Somos homes e mulleres vencellados á parroquia de Vilachá de Salvadur (A Pobra do Brollón) por razóns de nacemento, residencia, lazos familiares ou amizades.
Somos unha asociación sen ánimo de lucro que pula por iniciativas socioculturais e turísticas co propósito de dinamizar a vida dunha parroquia. Cremos nun rural vivo e queremos que Vilachá viva.
Somos veciños e veciñas da Ribeira Sacra porque as tres ribeiras de Vilachá (Lagares, Val do Frade e Eivedo) son alimentadas polos canóns do Sil que ofrecen un clima ideal para a uva.
Aquí asentáronse uns monxes, na zona dos Conventos, que ergueron as adegas milenarias de Vilachá, un dos bens incluídos na candidatura da Ribeira Sacra para Patrimonio da Humanidade.
NOVAS
Os viños de Vilachá de Salvadur en 1842
Meses atrás publicouse o libro «Observacións sobre o cultivo da vide na Galiza» (1843), en tradución ao galego de Xesús Verao. A obra está promovida pola asociación Colado do Vento (Sober), membro coma nós da Federación de Asociacións da Ribeira Sacra, e editada polo selo da Libraría da Proencia. A esta libraría pódenselle pedir exemplaresContinue reading
Homenaxe aos nosos devanceiros
A nosa asociación decidiur celebrar unha homenaxe aos nosos devanceiros soterrados no camposanto. Porque a cada persoa alí enterrada lle debemos a terra que traballamos, a paisaxe que posuímos, as palabras coas que falamos. O acto contará coa participación da Coral de Guntín de Pallares, grazas ao programa Tradigalu da Deputación de Lugo. Ademais tomaránContinue reading
Levamos o Premio Turismo da Deputación de Lugo
Recollemos o premio na sede da Deputación de Lugo. Un recoñecemento pra darnos máis forza e seguir adiante. O xurado valorou o esforzo feito para poñer en valor, recuperar e divulgar o patrimonio da nosa parroquia. A principal iniciativa foi elaborar un roteiro circular que permite coñecer a riqueza da zona por medio do castro,Continue reading
Asemblea da Federación
Este vindeiro sábado 30 de xullo, na Casa da Cultura de Sober, desenvolverase unha nova asemblea da Federación de Asociacións da Ribeira Sacra. Un encontro que continuará co proceso de estruturación interno e a posta a punto para o inicio de actividades logo da volta do verán. Entre outros temas crearanse as mesas de traballo,Continue reading
Contacto:
